கை.அறிவழகன் எழுதியவை | ஓகஸ்ட் 10, 2011

நிகழ்த்துக் கலையும், ஒரு இளைஞரும்

250838_132817336796387_100002043633462_221953_4061_n

முன்பெல்லாம் நமது விழாக்களில் தவறாது இடம்பெறும் தெருக்கூத்து அல்லது மேடை நாடகங்களை ஏறத்தாழ இழந்து விட்டோம் என்று நினைக்கத் தோன்றுகிறது, வண்ணத் தோரணங்களால் அலங்கரிக்கப்பட்ட அந்த மேடைகள், அதன் உள்ளிருந்து குதித்தபடி இசை முழக்கிக் காட்சி தரும் நமது பண்பாட்டு வழிக் கலைஞர்கள் இவர்களெல்லாம் இப்போது எங்கிருப்பார்கள், வாழ்க்கையை எப்படி எதிர் கொள்வார்கள், எங்காவது கூலி வேலை செய்து கொண்டும், மண்ணோடு போராடிக் கொண்டும் இருக்கும் இந்தக் கலைஞர்களைப் பற்றிக் கவலைப்படுவதற்கு எனக்கும் உங்களுக்கும் நேரமிருக்கிறதா?

“ம்ம்ம், கலைஞர்களைப் பற்றிக் கவலைப்பட்டுக் கொண்டிருந்தால் என் கம்பெனி வேலை போய் விடுமப்பா” என்று நீங்கள் பெருமூச்சு விடுவது கேட்கிறது. ஆனால் ஒரு இளைஞர் தனது வாழ்க்கையின் முன்னேற்றத்தையும், நிகழ்வுகளையும் மட்டுமே கருதாமல், இந்தக் கலைஞர்களைப் பற்றியே பேசுகிறார், எழுதுகிறார், அவர்களுக்காக உழைக்கிறார், பல்வேறு உரிமைகளை அரசுகளிடம் போராடிப் பெற்றுத் தருகிறார். அவர் மணல்வீடு ஹரிகிருஷ்ணன், எளிமையான மண்ணுக்கே உரிய மொழியோடு பேசும் ஒரு அரிய இளைஞர். மணல்வீடு என்றொரு அற்புதமான இலக்கியப் பேரிதழை நடத்திக் கொண்டிருக்கிறார்.

கிராமியக் கலைகளை மீட்டுக் கொண்டு வந்து நமது அரங்குகளில் நிறுத்த வேண்டும் என்று தொடர்ச்சியாய்ப் போராடும் இவரைப் போன்ற மனிதர்களை நாம் குறைந்தபட்சம் ஆதரிக்கவாவது செய்யலாம் என்று தோன்றுகிறது, நிகழ்த்துக் கலைகளின் அழிவு நமது பண்பாட்டு வழிக் கலைகளின் முடிவாகத் தான் பொருள் கொள்ளப்பட வேண்டும், நிகழ்த்துக் கலைகளின் தேவை என்பது ஒரு சமூகத்தின் நுண்ணறிவுத் தேவை, பிழைப்பின் வழியாய்ச் சோர்ந்து கிடக்கும் உழைக்கும் மக்களின் அன்றாட நிகழ்வாய் இருந்த நிகழ்த்துக் கலைகள் இப்போது அவர்களைப் போலவே அழிவை நோக்கி நகர்ந்து கொண்டிருப்பது போலத் தெரிகிறது. இந்த அழிவு நமக்கு முன்னால் மிக வெளிப்படையாகவே நிகழ்ந்து கொண்டிருப்பதும், அதை நாம் வேடிக்கை பார்ப்பதும் தான் மனதை கனக்கச் செய்யும் செய்தி.

253310_153997894678331_100002043633462_301953_6836127_n

அங்கொன்றும் இங்கொன்றுமாக ஹரிகிருஷ்ணனைப் போல சில இளைஞர்களும், எழுத்தாளர்களும் நிகழ்த்துக் கலைகளின் முக்கியத்துவம் குறித்தும், அவற்றின் அழிவு குறித்தும் நம்மிடம் பேசுகிறார்கள், வாய்க்குள் நுழையாத செவ்வாய்க் கிரகக் கலைஞர்கள், அண்டார்டிக் தீவுக் கலைஞர்கள் குறித்துப் போதனைகள் செய்கிற இன்றைய நவீன எழுத்தாளர்கள் பலருக்கு இடையில் தோற்பாவை, கட்டப்பொம்மலாட்டம், தெருக்கூத்து போன்ற அரிய நிகழ்த்துக் கலைகள் நமது தலைமுறைக்குத் தெரியாமலேயே போய் விடுமோ என்கிற அச்சமே இந்தக் குறிப்பை எழுதத் தூண்டியது.

தனது அடிப்படை வாழ்வாதாரப் பணியை ஒரு தனியார் நிறுவனத்தில் செய்து கொண்டே பல்வேறு கலைஞர்களின் வாழ்க்கைத் தரத்தை உயர்த்தும் இடைவிடாத பணிகள், நிகழ்த்துக் கலைகளுக்கான அரங்குகளை உருவாக்கும் மிக முக்கியமான பணி, இலக்கியப் பேரிதழ்ப் பணிகள், நிகழ்த்துக் கலைகள் குறித்த நூல்களை வெளியிடும் பணி, நிகழ்த்துக் கலை வடிவங்களையும், அந்தக் கலைஞர்களின் வாழ்க்கையைப் பேசும் ஆவணப்படங்கள் தயாரிக்கும் பணி என்று இடை விடாது இயங்கிக் கொண்டிருக்கும் மணல்வீடு ஹரிகிருஷ்ணன் உண்மையில் நாம் அனைவரும் அவசியம் அறிந்து கொள்ள வேண்டிய அரிய இளைஞர் என்பதில் மாற்றுக் கருத்தில்லை. அவரோடு தொடர்ந்து இயங்கிக் கொண்டிருக்கும் “அம்மாப்பேட்டை கணேசன்” அவர்களையும் இந்த நேரத்தில் நினைவு கொள்ள வேண்டியது அவசியம்.

அவரது பணிகளுக்கு உறுதுணையாய் இருக்கவும், அவரது பணிகளில் பங்கெடுக்கவும், அவரது முயற்சிகளை ஆதரிக்கவும் விரும்பும் நண்பர்கள், எந்த வழியிலும் உதவி செய்யலாம், ஏனெனில் ஒருவகையில் அது நமது கடமையும் கூட, நமது பண்பாட்டுக் கலைகளின் வடிவங்கள் அழியாமல் காக்கும் ஒரு மிகப்பெரிய பணியிலிருக்கும் இந்த இளைஞருக்கு ஏதேனும் செய்ய விரும்புகிறீர்களா? கீழ்க்கண்ட அவர்களின் களரி அறக்கட்டளைக்குக் கொடையளியுங்கள்

Kalari Heritage and Charitable Trust,

A\C.No.31467515260

SB-account – State Bank of India

Mecheri Branch

Anch Code-12786.

253988_134835229927931_100002043633462_235218_4382436_n

உங்களால் முடியவில்லையா, ஒரு முறை ஹரிகிருஷ்ணனை அவரது (09894605371) அலைபேசியில் அழையுங்கள், அவரது முயற்சிகளுக்கு உங்கள் உளப்பூர்வமான வாழ்த்துக்களையும், நன்றியையும் சொல்லுங்கள்.

மணல்வீடு ஹரி கிருஷ்ணன் குறித்து மேலும் அறிய உதவும் சில சுட்டிகள்:

http://www.thehindu.com/todays-paper/tp-features/tp-metroplus/article2303507.ece

http://www.facebook.com/media/set/set=a.132003926877728.32324.100002043633462#!/profile.php?id=100002043633462

**************


Responses

  1. I wish to contribute for this cause. Thanks for identify the real issues and limelite.


மறுமொழியொன்றை இடுங்கள்

Fill in your details below or click an icon to log in:

WordPress.com Logo

You are commenting using your WordPress.com account. Log Out / மாற்று )

Twitter picture

You are commenting using your Twitter account. Log Out / மாற்று )

Facebook photo

You are commenting using your Facebook account. Log Out / மாற்று )

Google+ photo

You are commenting using your Google+ account. Log Out / மாற்று )

Connecting to %s

பிரிவுகள்

%d bloggers like this: