கை.அறிவழகன் எழுதியவை | ஓகஸ்ட் 31, 2015

கடவுளின் கூலிப்படை……இந்துத்துவா.

02BG_KALBURGI_1286001e

"மல்லேஷப்பா மடிவாளப்பா கல்புர்கி" சுட்டுக் கொல்லப்பட்டார் என்கிற செய்தி எனது செவியை எட்டிய போது நான் குளித்துக் கொண்டிருந்தேன், குளியலறைக் கதவிடுக்கில் கசிந்து வந்த செய்தி வாசிக்கும் பெண்ணின் குரல் அவரது இறப்பை எனக்கு உணர்த்தியது, இடது கையால் எனது வலது தோள்பட்டையில் ஒருமுறை கையை வைத்து அழுத்திப் பார்த்தேன், பெங்களூரில் ஒரு போராட்டத்தின் போது ஒருமுறை அவரைச் சந்தித்திருக்கிறேன், பொதுவாகவே கார்வார் என்று சொல்லப்படுகிற தென் கனரா மனிதர்களின் பேச்சு வழக்கு அவர்களை ஏனைய கன்னட மொழி பேசுபவர்களிடம் இருந்து தனித்துக் காட்டும். அன்று என்னை உலகத் தமிழ் மக்கள் அரங்கத்தின் ஒருங்கிணைப்பாளர் என்று ஒரு ஊடக நண்பர் அவரிடம் அறிமுகம் செய்தார், சில நொடிகள் அவரோடு தெளிவான கன்னடத்தில் பேசினேன், நகரும் போது வலது தோளுக்குக் கீழே ஒரு அழுத்தம் கொடுத்து இப்படிச் சொன்னார், "நீங்கள் பேசும் கன்னடம் நன்றாக இருக்கிறது" ("ஆதரூ, நிம்ம கன்னடா சன்னாகிதே"). பேசுவதற்கு வேறு சில விஷயங்கள் இருந்தாலும் தனது மொழியை ஒரு மாற்று மொழிக்காரன் சிறப்பாகப் பேசுகிறான் என்பதே அவர் மனதில் நின்றிருக்கிறது, அதற்குப் பிறகு அவரைக் குறித்த எந்த நினைவுகளும் இல்லை.

இப்போது நினைத்துப் பார்க்கிறேன், இந்துத்துவ பிற்போக்குவாதிகளின் மனதில் பெருங்கனலாக உழன்ற அந்த உறுதியான மனிதரின் கரங்கள் ஒரு அடையாளம் போல எனது வலது தோள்பட்டையில் பதிந்திருக்கிறது.  "கல்புர்கி" எழுதுகிற எல்லா மனிதர்களுக்கும் பெருமை சேர்த்துப் போயிருக்கிறார், மானுடத்தை அழிக்கும் அடிப்படையான சிலை வழிபாட்டையும், கடவுள் வழிபாட்டையும் மட்டுமல்லாது வீரசைவர்கள் வழிபடும் "பசவா" குறித்த பல்வேறு வரலாற்று ஆய்வுக் குறிப்புகளை வெளியிட்டதன் மூலமாக லிங்காயத்துகள் என்றழைக்கப்படும் ஒரு ஆதிக்க சாதிக் கூட்டத்தின் கடும் எதிர்ப்புக்கு ஆளானார், பிறகு தனது கருத்துக்களைத் திரும்பப் பெறுவதாகச் சொல்லிவிட்டு ஊடகங்களிடம், "எனது குடும்பத்தைக் காப்பாற்ற பசவர் வரமாட்டார் அல்லவா?" என்று சிரித்தபடியே சொன்னார். பிறகு பல இடங்களில், கூட்டங்களில் "எனது அறிவு தற்கொலை செய்து கொண்ட நாள் அது" என்று குறிப்பிடுவதைத் தவிர்க்கவில்லை, மரணத்தைக் கண்டு ஒருபோதும் அஞ்சிய மனிதர் இல்லையென்றாலும், தனது மானுடத்தின் மீதான காதலை அவர் ஒருபோதும் கைவிட்டதில்லை.

தீவிர இந்துத்துவக் கும்பலுக்கு கருத்துக்களை எதிர் கொள்வதில் இருக்கும் வழக்கமான சிக்கலாகவே இந்தப் படுகொலை புரிந்து கொள்ளப்பட வேண்டும், தொடர்ந்து மாற்றுக் கருத்துக் கொண்டவர்களுக்கு விடுக்கப்படும் கொலை மிரட்டல்களும், அச்சுறுத்தலும் இந்தியாவின் உச்ச அதிகாரத்தில் அமர்ந்திருக்கும் பார்ப்பனீயத்தின் உண்மையான முகம். தொடர்ந்து முற்போக்குக் கருத்துக்களை மக்களிடம் கொண்டு செல்லும் ஆற்றல்களை அழித்து விடுவதில் இந்துத்துவக் கும்பல் தீவிரமாயிருக்கிறது, இந்தியா என்கிற மிகப்பெரிய தேசத்தின் ஒற்றைக் குவியமாக இந்துத்துவ அடையாளங்களைக் கொண்டு வருவதற்கான அரசியல் முயற்சியாகவே இந்தப் படுகொலைகள் விசாரிக்கப்பட வேண்டும்.

பில்லி, சூனியம், மாயம், மாந்தரீகம் என்று உழைக்கும் பணத்தை மதவாத மடையர்களிடம் ஒப்படைத்து விட்டு  தொடர்ந்து ஏழ்மையிலேயே சீரழியும் மராட்டிய மக்களை மதத்தின், வழிபாட்டின் பிடியில் இருந்து மீட்கப் போராடிய "நரேந்திர டபால்கர்" இதே போல சுட்டுக் கொல்லப்பட்டார், அவரது பணிகளைத் தொடருமாறு வேண்டுகோள் விடுத்த கம்யூனிஸ இயக்கத்தின் தலைவர்களில் ஒருவரும், எழுத்தாளருமான "கோவிந்த் பன்சாரே" பிறகு கொல்லப்பட்டார், நாடு முழுவதும் இந்துத்துவ எதிர்ப்பு முற்போக்கு முகங்களுக்கு அச்சுறுத்தல்  தொடர்கிறது.

இப்படியான படுகொலைகள் நிகழும் போதெல்லாம் சில அறிவு ஜீவிகள் இஸ்லாமியத் தீவிரவாதத்தை நீங்கள் எல்லாம் ஏன் எதிர்ப்பதில்லை என்று ஒரு ரெடிமேட் கேள்வியை எழுப்புகிறார்கள், ஆனால், இஸ்லாமியத் தீவிரவாதத்தை விடப் பன்மடங்கு இந்துத்துவா ஆற்றல்கள் அழிவு சக்தி கொண்டவை, இந்துத்துவத் தத்துவங்களே மனித வாழ்க்கையை இழிவு செய்கின்றன, பிறப்பால் உயர்ந்தவன், தாழ்ந்தவன் என்கிற கோட்பாட்டை முன்னெடுக்கிற இந்துமதம் எல்லாவற்றையும் விட மானுட மதிப்பீடுகளுக்கு எதிரானது, ஆபத்தானது. அது தனது சொந்த மக்களை ஒரே ஊருக்குள் வெவ்வேறு பிறவிக் குறியீடுகளோடு அலைக்கழித்து அவர்களின் அடிப்படை உரிமைகளை மறுக்கிறது. ஏனெனில் போரில் கொல்லப்படுவதை விடக் கொடுமையானது ஒரு மனிதனை பொதுச் சாலையில் அனுமதிக்க மறுப்பதும், அவனை இழிவு செய்வதும்.

"கல்புர்கி"க்களின் படுகொலைகளால் இந்துத்துவத்தின் புனிதம் பாதுக்காக்கப்பட மாட்டாது, மாறாக அதன் அழுகிய நாற்றமெடுத்த ஆணிவேர் கிழிந்து தொங்கிக் கொண்டிருக்கும். கல்புர்கி ஒரு மாவீரனைப் போல மடிந்திருக்கிறார், தனது மானுடத்தின் மீதான அன்புக்காக அவர் துப்பாக்கிக் குண்டுகளை தழுவிக் கொண்டிருக்கிறார், மரணம் அவரை அவரது சிந்தனைகளை இன்னுமொருபடி மேலேற்றி விட்டிருக்கிறது, தென் கனராவில் மூட நம்பிக்கைகளுக்கு எதிரான வலுவான ஒரு களம் அவரது மாணவர்களால் உருவாக்கப்படும். மூட நம்பிக்கைகளை எதிர்த்து உயிரிழக்கத் தயாராய் இருக்கும் முற்போக்கு முகங்களையும், எழுத்தாளர்களையும் தடுத்து நிறுத்த எந்தக் கடவுளும் வரமாட்டார்கள். இந்துத்துவத் தீவிரவாதத்துக்கு எதிராக எழுதும், இயங்கும் தோழர்கள் அனைவருக்கும் கல்புர்கியின் படுகொலை ஒரூ எழுச்சியை உருவாக்கி இருக்கிறது என்றுதான் சொல்ல வேண்டும், அப்படிச் சொல்வது தான் கல்புர்கிக்கு நாம் செய்யும் உண்மையான அஞ்சலி.

***************


Responses

  1. Anbe sivam ithuthan indhu kadavul. Indhu Kadavul yaraiyum kolla sollalai. oru sila manithan seira thavarukku kadavul eppadi poruppaga mudiyum? enga kadavul yaraiyum thallivaikka sollalai. ulagilaye sirantha matrum pala latcha varudangala irukkira unmaiyana oru madam Inahu madam.
    thayavu senju indhu madathathai purinthu kolla mudiya villai eninum ippadi igalavendame. Uruva valipadu illanna oru uruvam illainna eppadi manitharil adayalam kana mudiyum. Athu pola than Uruva valipadum. Yarum illatha idathila pesuna loosu. Athu mathiri than namma makuraiya solla yarum illathavanga theivathidam poi muraiyidave Athurkendru uruvam thani valipadu ellam.
    intha india mannila indhuva piranthathe perum pakkiyam.Ungalai ippadi pesavaikkirathum avane Avan antri oru anuvum asaiyathu. Avanavan seitha pava punniyathirkerpa avanavan valvu amaiyum ithil Avan mel kopapada onrum illai.
    prappal uyarnthavan thalnthavan ena iraivan engenum vanthu koori irukkirana? Appadiyanal thiruthondar nayanar Avargal thuni salavai seiyum oruthane avaridam yen sivaperuman sella vendum avarai yen Sivaperuman aadkolla vendum! nee thalnthvan ena othukki irukkalame? anbu athu engirrupinum angu avan iruppan. Ithil uyarnthvan ethu thalnthavan ethu? theyavrkali Alipan endrum nallavrgalai kappan endrum Koorapattullathe thavira uyarnthavarkalai kappan endrum thanthavanai Alippen endrum koorapadavillai. manthanin suyanalam theivathaiyum Vittu vaikkavilai Ithil Avan thavarethum illai. Manithane manithanin ethiri aavan kadavul illai.


மறுமொழியொன்றை இடுங்கள்

Fill in your details below or click an icon to log in:

WordPress.com Logo

You are commenting using your WordPress.com account. Log Out / மாற்று )

Twitter picture

You are commenting using your Twitter account. Log Out / மாற்று )

Facebook photo

You are commenting using your Facebook account. Log Out / மாற்று )

Google+ photo

You are commenting using your Google+ account. Log Out / மாற்று )

Connecting to %s

பிரிவுகள்

%d bloggers like this: